Country: Ísland
Tungumál: íslenska
Heimild: LYFJASTOFNUN (Icelandic Medicines Agency)
Pneumococcal Polysaccharide Danish types 1,2,3,4,5,6B,7F,8,9N,9V,10A,11A,12F,14,15B,17F,18,C,19A, 19F,20,22F,23F,33F
Merck Sharp & Dohme B.V.
J07AL01
Hreinsuð pneumococca polysakkaríð mótefnavakar
25 míkróg
Stungulyf, lausn í áfylltri sprautu
(R) Lyfseðilsskylt
373611 Áfyllt sprauta glersprauta með gúmmítappa (brómóbútýl-elastómer) og hettu (stýren-bútadíengúmmí) með 2 nálum
Markaðsleyfi útgefið
2015-06-01
1 FYLGISEÐILL: UPPLÝSINGAR FYRIR NOTANDA LYFSINS PNEUMOVAX STUNGULYF, LAUSN Í ÁFYLLTRI SPRAUTU Pneumókokkafjölsykrubóluefni Ætlað fullorðnum og börnum 2 ára og eldri. LESIÐ ALLAN FYLGISEÐILINN VANDLEGA ÁÐUR EN ÞÚ EÐA BARNIÐ ÞITT FÁIÐ LYFIÐ. Í HONUM ERU MIKILVÆGAR UPPLÝSINGAR. • Geymið fylgiseðilinn. Nauðsynlegt getur verið að lesa hann síðar. • Leitið til læknisins eða lyfjafræðings ef þörf er á frekari upplýsingum. • Þessu lyfi hefur verið ávísað til persónulegra nota. Ekki má gefa það öðrum. Það getur valdið þeim skaða, jafnvel þótt um sömu sjúkdómseinkenni sé að ræða. • Látið lækninn, lyfjafræðing eða hjúkrunarfræðinginn vita um allar aukaverkanir. Þetta gildir einnig um aukaverkanir sem ekki er minnst á í þessum fylgiseðli. Sjá kafla 4. Í FYLGISEÐLINUM ERU EFTIRFARANDI KAFLAR:_ _ 1. Upplýsingar um Pneumovax og við hverju það er notað 2. Áður en þú eða barnið byrjið að nota Pneumovax 3. Hvernig nota á Pneumovax 4. Hugsanlegar aukaverkanir 5. Hvernig geyma á Pneumovax 6. Pakkningar og aðrar upplýsingar 1. UPPLÝSINGAR UM PNEUMOVAX OG VIÐ HVERJU ÞAÐ ER NOTAÐ Pneumovax er pneumókokkabóluefni. Bóluefni eru notuð til að vernda þig eða barnið gegn smitsjúkdómum. Læknirinn hefur lagt til að þú eða barninu (tveggja ára eða eldri) verði gefið bóluefnið til varnar gegn alvarlegum sýkingum af völdum baktería sem kallast pneumókokkar. Pneumókokkar geta valdið sýkingum í lungum (sérstaklega lungnabólgu) og í himnum sem þekja heila og mænu (heilahimnubólgu) svo og í blóði (blóðsýkingu eða blóðeitrun). Bóluefnið getur aðeins verndað þig eða barnið gegn pneumókokkasýkingum sem orsakast af þeim bakteríum sem bóluefnið inniheldur. Meðal þeirra 23 tegunda pneumókokka sem eru í bóluefninu er að finna þær tegundir sem orsaka nánast allar sýkingar (níu af hverjum tíu) sem pneumókokkar valda. Þegar þér eða barninu er gefið bóluefnið, myndar nát Lestu allt skjalið
1 SAMANTEKT Á EIGINLEIKUM LYFS 1. HEITI LYFS Pneumovax stungulyf, lausn í áfylltri sprautu Pneumókokkafjölsykrubóluefni 2. INNIHALDSLÝSING 0,5 millilítra skammtur af bóluefninu inniheldur 25 míkrógrömm af hverri hinna eftirtalinna 23 pneumókokkafjölsykrusermisgerða: 1, 2, 3, 4, 5, 6B, 7F, 8, 9N, 9V, 10A, 11A, 12F, 14, 15B, 17F, 18C, 19F, 19A, 20, 22F, 23F, 33F. Hjálparefni með þekkta verkun: Minna en 1 mmól (23 mg) af natríum er í hverri skammtaeiningu. Sjá lista yfir öll hjálparefni í kafla 6.1. 3. LYFJAFORM Stungulyf, lausn í áfylltri sprautu Bóluefnið er tær, litlaus lausn. 4. KLÍNÍSKAR UPPLÝSINGAR 4.1. ÁBENDINGAR Pneumókokkafjölsykrubóluefni er ætlað til virkrar bólusetningar gegn pneumókokkasjúkdómum hjá börnum frá 2 ára aldri, unglingum og fullorðnum. Upplýsingar um varnir gegn einstökum pneumókokkasermisgerðum eru í kafla 5.1. 4.2. SKAMMTAR OG LYFJAGJÖF Bólusetningaráætlanir fyrir pneumókokkafjölsykrubóluefni skulu ákvarðaðar skv. opinberum tilmælum. SKAMMTAR Upphafsbólusetning: Fullorðnir og börn 2 ára og eldri - einn stakur 0,5 millilítra skammtur gefinn með inndælingu í vöðva eða undir húð. Pneumovax er ekki ætlað börnum undir 2 ára aldri þar sem öryggi og virkni bóluefnis hefur ekki verið staðfest og mótefnasvörun kann að vera léleg. Sérstakir skammtar: Mælt er með að gefa pnemókokkabóluefnið að minnsta kosti tveimur vikum fyrir _ _ miltisbrottnám eða áður en byrjað er á krabbameinslyfjameðferð eða annarri ónæmisbælandi meðferð. Forðast skal bólusetningu meðan á krabbameinslyfja- eða geislameðferð stendur. Eftir að krabbameinslyfjameðferð og/eða geislameðferð vegna æxlisvaxtar lýkur, getur ónæmissvörun við bólusetningu enn verið minnkuð. Ekki skal gefa bóluefnið fyrr en þremur mánuðum eftir lok 2 slíkrar meðferðar. Enn lengri bið gæti hentað þeim sem hafa farið í gegnum stranga eða langvarandi meðferð (sjá kafla 4.4). Bólusetja skal HIV-sýkta einstakl Lestu allt skjalið