Country: Ísland
Tungumál: íslenska
Heimild: LYFJASTOFNUN (Icelandic Medicines Agency)
Loperamidum hýdróklóríð
Medical Valley Invest AB
A07DA03
Loperamidum
2 mg
Tafla
(L R) Ekki lyfseðilsskylt/ lyfseðilsskylt
177655 Glas HDPE ; 415685 Glas HDPE V0447
Markaðsleyfi útgefið
2021-02-18
1 FYLGISEÐILL: UPPLÝSINGAR FYRIR NOTANDA LYFSINS LOPERAMIDE MEDICAL VALLEY 2 MG TÖFLUR lóperamíðhýdróklóríð LESIÐ ALLAN FYLGISEÐILINN VANDLEGA ÁÐUR EN BYRJAÐ ER AÐ NOTA LYFIÐ. Í HONUM ERU MIKILVÆGAR UPPLÝSINGAR. - Geymið fylgiseðilinn. Nauðsynlegt getur verið að lesa hann síðar. - Leitið til læknisins eða lyfjafræðings ef þörf er á frekari upplýsingum. - Þessu lyfi hefur verið ávísað til persónulegra nota. Ekki má gefa það örðum. Það getur valdið þeim skaða, jafnval þótt um sömu sjúkdómseinkenni sé að ræða. - Látið lækninn eða lyfjafræðing vita um allar aukaverkanir. Þetta gildir einnig um aukaverkanir sem ekki er minnst á í þessum fylgiseðli. Sjá kafla 4. Í FYLGISEÐLINUM ERU EFTIRFARANDI KAFLAR : 1. Upplýsingar um Loperamide Medical Valley og við hverju það er notað 2. Áður en byrjað er að nota Loperamide Medical Valley 3. Hvernig nota á Loperamide Medical Valley 4. Hugsanlegar aukaverkanir 5. Hvernig geyma á Loperamide Medical Valley 6. Pakkningar og aðrar upplýsingar 1. UPPLÝSINGAR UM LOPERAMIDE MEDICAL VALLEY OG VIÐ HVERJU ÞAÐ ER NOTAÐ Loperamide Medical Valley kemur þarmahreyfingum í eðlilegt horf, vinnur gegn vökvatapi og eykur getuna til þess að halda hægðum. Loperamide Medical Valley er notað við tilfallandi (skyndilegum) niðurgangi. Læknirinn getur einnig ávísað lyfinu til meðferðar við langvarandi (langvinnum) niðurgangi og handa þeim sem eru með stóma eftir vissar maga- og þarmaaðgerðir, sem og þeim sem eiga í erfiðleikum með að halda hægðum (hægðaleki). Leitið til læknis ef sjúkdómseinkenni versna eða lagast ekki innan 2 daga. Verið getur að læknirinn hafi ávísað lyfinu við öðrum sjúkdómi eða í öðrum skömmtum en tiltekið er í þessum fylgiseðli. Ávallt skal fylgja fyrirmælum læknis og leiðbeiningum á merkimiða frá lyfjabúð. 2. ÁÐUR EN BYRJAÐ ER AÐ NOTA LOPERAMIDE MEDICAL VALLEY EKKI MÁ NOTA LOPERAMIDE MEDICAL VALLEY - ef um er að ræða Lestu allt skjalið
1 SAMANTEKT Á EIGINLEIKUM LYFS 1. HEITI LYFS Loperamide Medical Valley 2 mg töflur. 2. INNIHALDSLÝSING Hver tafla inniheldur 2 mg af lóperamíðhýdróklóríð. Hjálparefni með þekkta verkun: Hver tafla inniheldur 101 mg af laktósa. Sjá lista yfir öll hjálparefni í kafla 6.1. 3. LYFJAFORM Tafla (hvít til næstum hvít, 6,5 mm, kringlótt, tvíkúpt, óhúðuð tafla, ígreypt með „C“ á annarri hliðinni og „11“ á hinni). 4. KLÍNÍSKAR UPPLÝSINGAR 4.1 ÁBENDINGAR Til meðferðar við einkennum bráðs tilfallandi niðurgangs og langvarandi niðurgangs, þ.m.t. niðurgangur vegna of mikils hraða þarmainnihalds, með eða án hægðaleka, t.d. hjá sjúklingum með dausgarnarraufun, ristilraufun eða sturttæmingu (dumping). 4.2 SKAMMTAR OG LYFJAGJÖF Skammtar _Bráður niðurgangur:_ Hefja skal meðferðina með 4 mg (2 töflur). Síðan 2 mg (1 tafla) eftir hverja hægðalosun með niðurgangi. Þó skulu líða 2-3 klst. milli fyrsta og annars skammts. Sólarhringsskammtur á ekki að fara yfir 16 mg (8 töflur). _Langvarandi niðurgangur_ : Hefja skal meðferðina með 4 mg (2 töflur). Skömmtun er síðan einstaklingsbundin á bilinu 2-16 mg (1-8 töflur) á sólarhring og leitast skal við að gefa minnsta viðhaldsskammt sem mögulegur er. Oft nægir að gefa lyfið 1-2 sinnum á sólarhring. Sólarhringsskammtur á ekki að fara yfir 16 mg (8 töflur). _Börn_ Ekki hefur verið sýnt fram á öryggi og verkun Loperamide Medical Valley hjá börnum yngri en 12 ára. Fyrirliggjandi gögnum er lýst í kafla 4.8 en ekki er hægt að gefa neinar ráðleggingar um skammta. _Aldraðir _ Ekki er þörf á aðlögun skammta fyrir aldraða sjúklinga. _Skert nýrnastarfsemi _ Ekki er þörf á aðlögun skammta fyrir sjúklinga með skerta nýrnastarfsemi. 2 _Skert lifrarstarfsemi _ Þó að engar upplýsingar um lyfjahvörf séu fyrirliggjandi um sjúklinga með skerta lifrarstarfsemi skal gæta varúðar við notkun Loperamide Medical Valley hjá þessum sjúklingum vegna skertra umbro Lestu allt skjalið