Land: Ísland
Tungumál: íslenska
Heimild: LYFJASTOFNUN (Icelandic Medicines Agency)
Econazolum nítrat
Trimb Healthcare AB
D01AC03
Econazolum
10 mg/g
Krem
(L) Ekki lyfseðilsskylt
597567 Túpa
Markaðsleyfi útgefið
1978-04-27
1 FYLGISEÐILL: UPPLÝSINGAR FYRIR NOTANDA LYFSINS PEVARYL 1% KREM econazolnítrat LESIÐ ALLAN FYLGISEÐILINN VANDLEGA ÁÐUR EN BYRJAÐ ER AÐ NOTA LYFIÐ. Í HONUM ERU MIKILVÆGAR UPPLÝSINGAR. Alltaf skal nota lyfið nákvæmlega eins og lýst er í þessum fylgiseðli eða eins og læknirinn, lyfjafræðingur eða hjúkrunarfræðingurinn hefur mælt fyrir um. - Geymið fylgiseðilinn. Nauðsynlegt getur verið að lesa hann síðar. - Leitið til lyfjafræðings ef þörf er á frekari upplýsingum eða ráðgjöf. - Látið lækninn, lyfjafræðing eða hjúkrunarfræðinginn vita um allar aukaverkanir. Þetta gildir einnig um aukaverkanir sem ekki er minnst á í þessum fylgiseðli. - Leitið til læknis ef sjúkdómseinkenni versna eða lagast ekki innan 7 daga. Í FYLGISEÐLINUM ERU EFTIRFARANDI KAFLAR : 1. Upplýsingar um Pevaryl og við hverju það er notað 2. Áður en byrjað er að nota Pevaryl 3. Hvernig nota á Pevaryl 4. Hugsanlegar aukaverkanir 5. Hvernig geyma á Pevaryl 6. Pakkningar og aðrar upplýsingar 1. UPPLÝSINGAR UM PEVARYL OG VIÐ HVERJU ÞAÐ ER NOTAÐ Pevaryl er notað til meðferðar við fótsvepp. Verið getur að læknirinn hafi ávísað lyfinu við öðrum sjúkdómi eða í öðrum skömmtum en tiltekið er í þessum fylgiseðli. Ávallt skal fylgja fyrirmælum læknis og leiðbeiningum á merkimiða frá lyfjabúð. Leitið til læknis ef sjúkdómseinkenni versna eða lagast ekki innan 7 daga. 2. ÁÐUR EN BYRJAÐ ER AÐ NOTA PEVARYL _ _ EKKI MÁ NOTA PEVARYL Ef um er að ræða ofnæmi fyrir econazolnítrati eða einhverju öðru innihaldsefni lyfsins (talin upp í kafla 6). VARNAÐARORÐ OG VARÚÐARREGLUR Pevaryl á eingöngu að nota á húð, ekki í augu eða munn. Þegar kremið er borið á skal þess gætt að það berist ekki í augu, þvoðu því hendurnar eftir hverja meðferð. Ef þér hefur verið ávísað meðferð, sem er ætluð fyrir hendurnar ættir þú hins vegar ekki að þvo hendurnar eftir meðferðina. NOTKUN ANNARRA LYFJA SAMHLIÐA PEVARY Lestu allt skjalið
1 SAMANTEKT Á EIGINLEIKUM LYFS 1. HEITI LYFS Pevaryl 1% krem. 2. INNIHALDSLÝSING Econazolnítrat 1%. Hjálparefni með þekkta verkun Bensósýra 2 mg, bútýlhýdroxýanisól 0,052 mg. Sjá lista yfir öll hjálparefni í kafla 6.1. 3. LYFJAFORM Krem. 4. KLÍNÍSKAR UPPLÝSINGAR 4.1 ÁBENDINGAR Sveppasýking (húðsveppasýkingar af völdum _Trichophyton_ , _Epidermophyton_ og _Microsporum_ tegunda), hvítsveppasýki (candidiasis), litbrigðasveppasýking (pityriasis versicolor). 4.2 SKAMMTAR OG LYFJAGJÖF Til staðbundinnar meðferðar á húð. Fullorðnir og börn eldri en 10 ára: Berið Pevaryl á sýkt húðsvæði að morgni og að kvöldi. Nuddið kreminu varlega inn með fingri. Fyrir meðferð við fótsveppum skal þvo fæturna og þurrka þá vel. Meðferðin á að vara í minnst 2 vikur eftir að einkennin eru horfin. Við sýkingu á höndum er mælt með að kremið sé borið á eftir hvern handþvott. Ekki má nota lyfið handa börnum yngri en 10 ára án samráðs við lækni. Pevaryl krem hentar vel til meðferðar við öllum húðsveppasýkingum án tillits til tegundar eða staðsetningar. 4.3 FRÁBENDINGAR Ofnæmi fyrir virka efninu eða einhverju hjálparefnanna sem talin eru upp í kafla 6.1. 4.4 SÉRSTÖK VARNAÐARORÐ OG VARÚÐARREGLUR VIÐ NOTKUN Einungis til útvortis notkunar. Pevaryl krem má ekki nota í augu eða munn. Gæta skal sérstakrar varúðar við meðhöndlun nálægt augum. Pevaryl krem inniheldur bensósýru sem getur haft væg ertandi áhrif á húð, augu og slímhúð. Bensósýra getur aukið á gulu (gulnun húðar og augna) nýbura (allt að 4 vikna). Pevaryl krem inniheldur bútýlhýdroxýanisól sem getur valdið staðbundnum aukaverkunum í húð (t.d. snertiofnæmi) eða haft ertandi áhrif á augu og slímhúð. Ef einhver merki um ertingu eða ofnæmi koma fram skal hætta meðferð. 2 4.5 MILLIVERKANIR VIÐ ÖNNUR LYF OG AÐRAR MILLIVERKANIR Econazol er þekktur CYP3A4/2C9 hemill. Þrátt fyrir takmarkað altækt (systemic) aðgengi, eftir notkun á Lestu allt skjalið